იუსტიციის მინისტრი თეა წულუკიანი მაჟორიტარული სისტემის გაუქმებას არ ემხრობა. მას მიაჩნია, რომ ყველა ოლქში მცხოვრებ ადამიანებს უნდა ჰყავდეთ ერთი პირი, რომელიც მათ წინაშე ანგარიშვალდებული იქნება.
„მაჟორიტარული სისტემის მოშლას მე პირადად, როგორც ყოფილი მაჟორიტარი არ ვემხრობი და მიმაჩნია, რომ ყველა ოლქს და მასში მცხოვრებ ადამიანებს, უნდა ჰყავდეთ ერთი პირი, რომელიც უნდა აგებდეს პასუხს ამა თუ იმ ვალდებულებებზე, რომელსაც ის იღებს მათ წინაშე. თუკი ჩვენი ოპონენტები ამბობენ რომ ზოგიერთ მაჟორიტარს წარსულში არც კი ცნობდა საკუთარი ამომრჩეველი, ეს არ არის მიზეზი იმისა, რომ მთლიანად სისტემა გაუქმდეს. ამის წამალი არის ის, რომ ყველა მაჟორიტარმა კეთილი ინებოს და საკუთარ ამომრჩეველთან უფრო აქტიურად იმუშაოს. თუმცა არ გამოვრიცხავ, რომ მე ვიყო უმცირესობაში და პარლამენტმა ამ მოდელის გაუქმებას მხარი დაუჭიროს“, – აღნიშნა თეა წულუკიანმა.