კვლავ რთული რჩება ქვეყანაში ყოველდღიურ შემთხვევათა რაოდენობა, საქართველოსთვის ყოველდღიურად 4 და 5 ათასი შემთხვევა ძალიან ბევრია, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ვიდეომიმართვაში განაცხადა.
„ეპიდსიტუაცია ქვეყანაში საკმაოდ რთული და დაძაბულია. სიტუაციის კიდევ მეტად გაუარესებას არაფერი შეაჩერებს გარდა ვაქცინაციისა და წესების დაცვისა. რეგულაციებში ყველაზე მნიშვნელოვანია პირბადის ყველგან ტარება. ყველა 500 სრულად აცრილი ადამიანი არის ერთი გადარჩენილი სიცოცხლე. ამიტომ კიდევ ერთხელ მოგიწოდებთ და გთხოვთ, რომ აიცრათ“, – განაცხადა ამირან გამყრელიძემ.
მისი თქმით, ბოლო დღეებში აცრების ყოველდღიური რაოდენობა ოდნავ გაზრდილია.
„გაზრდილია პირველი დოზებით ვაქცინაცია, როგორც ჩანს წამახალისებელმა ღონისძიებებმა იმუშავა“, – განაცხადა ამირან გამყრელიძემ.