ანალიტიკოსი ზურაბ ქადაგიძე სოციალურ ქსელში წერს, რომ სახალხო დამცველის, ნინო ლომჯარიას მიერ შექმნილი კონსილიუმის ყველაზე აქტიური წევრის, თენგიზ წულაძის მეუღლე სანდრა რულოვსის მეჯვარეა.
როგორც ქადაგიძე წერს, ისინი სააკაშვილის მდგომარეობის შესახებ ობიექტურ დასკვნას ვერ დაწერენ .
,,ნაცების დამცველი ლომჯარიას შექმნილი „კონსილიუმის“ ყველაზე აქტიური წევრი მთლად სააკაშვილის ოჯახის წევრია. თენგიზ წულაძის ცოლი სანდრა რულოვსის მეჯვარეა! და ესენი წერენ ობიექტურ დასკვნას?!’’ – წერს Facebook-ზე ზურაბ ქადაგიძე.
საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. პატიმრობაში მყოფმა სააკაშვილმა შიმშილობა გამოაცხადა. სააკაშვილის ადვოკატები და სახალხო დამცველი ყოფილი პრეზიდენტის სამოქალაქო საავადმყოფოში გადაყვანას ითხოვენ, იუსტიციის სამინისტრო კი აცხადებს, რომ #18 სასჯელაღსრულების (სამკურნალო) დაწესებულებაში სააკაშვილის მკურნალობისთვის ყველა აუცილებელი პირობა არსებობს.