ლევან ნიკოლეიშვილი სოციალურ ქსელში პოსტს აქვეყნებს.
“მტირალა-წუწუნა პრეზიდენტ ყოფილი, პატიმარი სააკაშვილი, მაღალ პროფილურ ჰოსპიტალშია, როგორც ამბობს შიმშილობა შეწყვიტა, იმედია იცის უცბად არ უნდა მიასკდეს საჭმელს, წყნარი კვების საშუალება კიდევ ექნება სასამართლოს მერე საპატიმროში. თუმცა ახლა ეს მთავარი არაა, მთავარია მისი სამადლობელი წერილი, სადაც ყველას მადლობას უხდის: მისთვის მოშიმშილე ელენე ხოშტარიას თუ პაატა ბურჭულაძეს, უკრაინის სახალხო დამცველსა თუ საქართველოს არა-სახალხო და მის პირად დამცველს ნინო ლომჯარიას, მის პირად პარტ ტელევიზიებს, რომლებსაც თავისუფალ მედიას უწოდებს ( ურთიერთგამომრიცხავი წინადადებები კვლავ ძალაშია: თუ ავტოკრატიული რეჟიმია ეს მედია, როგორაა თავისუფალი), პეტიციაზე ხელმომწერებს (აქ კი მართალია, ახსოვთ იმ ხალხს თქვენი სიკეთეები და ვალსაც პატიოსნად იხდიან, სხვათა შორის ყველა დანაშაულშიც ეთანხმებიან და იზიარებენ !), ექიმებს (ნამდვილად დაიმსახურეს მადლობა იმედია აწ თუ დაჭირდა სხვა ავადმყოფებს უმკურნალებენ), თუმცა არავითარი მადლობა იმ ევროპარლამენტარების მიმართ, რომლებმაც ლამის მანდატი და საქართველოსთან ურთიერთობა ანაცვალეს სააკაშვილს, აშკარად რაღაც არ მოეწონა მათი.. და კიდევ, მიუხედავად იმისა, რომ ეს ტექსტი მისი დაწერილი არ მგონია(უფრო ნიკა გვარამიას სტილს ჰგავს), სამართლიანობა მოითხოვს ერთი სიტყვით ნიკანორ მელიაც უნდა ეხსენებინა, ბოლო ბოლო „ნაციონალური მოძრაობის“ თავმჯდომარეა და რაც შეუძლია იმდენ ხალხს კრებს ხოლმე აქციებზე. მოკლედ, თუ ტექსტი მისი დაწერილია მელია ასე ადვილად არ უნდა გამორჩენოდა, თუ გვარამიამ შექმნა, დავიჯერო იმასაც გამორჩა ნიკანორი? თუ ერთად გადაწყვიტეს მისი არ ხსენება?! რას გაიგებ ნაც-ბელადის აზრებს, ადრე იძახოდა გორის საავადმყოფო არ მინდაო, რუსები ახლოს არიან და გამიტაცებენო, დღეს მოსწონს იქაურობა, ადრე მელიაც მოსწონდა თითქოს, დღეს კი ასე ჩანს გვარამია მისთვის მთავარი…”-წერს ნიკოლეიშვილი.