პარტია “დროას” ლიდერი ელენე ხოშტარია შიმშილობის შეწყვეტის შემდეგ რეაბილიტაციას კლინიკა “ნიუ ჰოსპიტალში” გადის. ექიმის განცხადებით, მას გადასხმები გაუკეთდა, მიიღო მცირე ულუფაც, რომლის მოცულობაც კვირის განმავლობაში ეტაპობრივად გაიზრდება. მისივე თქმით, ხოშტარია თავს კარგად გრძნობს,
“პაციენტის ზოგადი მდგომარეობა რის სტაბილური. ანალიზებით რის დამაკმაყოფილებელი სიტუაცია. ამჟამად იმყოფება ექიმების მეთვალყურეობის ქვეშ. დაეწყო ინტრავენური გადასხმები, ინტრავენური გადასხმების მერე დაწყებულია სპეციალიზირებული კვება მცირე ულუფებით და პროტოკოლის მიხედვით მოხდება კვების გაზრდა,” – აცხადებს “ნიუ ჰოსპიტალის” რეანიმატოლოგი ალექსანდრე მხარგრძელი.
ელენე ხოშტარიამ მსჯავრდებული ექსპრეზიდენტის მიხეილ სააკაშვილის სამოქალაქო კლინიკაში გადაყვანის მოთხოვნით 17 დღე იშიმშილა.