“კონკრეტულად არ მახსოვს, მაგრამ ვიცი, რომ იყნენ ადამიანები, რომლებიც ეუბნებოდნენ, რომ უნდა ჩამოხვიდეო და იყვნენ ადამიანები, რომლებიც ეუბნებოდნენ, რომ არ ჩამოხვიდეო,” – ასე უპასუხა საქართველოს მესამე პრეზიდენტის დედამ, გიული ალასანიამ გადაცემა “რეაქციის” წამყვანის, ინგა გრიგოლიას კითხვას, ხომ არ აქვს ინფორმაცია, ვინ დაარწმუნა სააკაშვილი საქართველოში ჩამოსულიყო?
“კონკრეტულად არ მახსოვს, მაგრამ ვიცი, რომ იყნენ ადამიანები, რომლებიც ეუბნებოდნენ, რომ უნდა ჩამოხვიდეო და იყვნენ ადამიანები, რომლებიც ეუბნებოდნენ, რომ არ ჩამოხვიდეო, რადგან რისკთან იყო დაკავშირებული. მაგრამ, მთავარი იყო მისი გადაწყვეტილება. მას ძალიან უნდოდა ჩამოსვლა და უკვე ვერაფერი ვერ შეაჩერებდა.
მე როგორც დედას ხანდახან მაქვს ეჭვი, რატომ ჩამოვიდა, სად ჩამოვიდა, რატომ ჩაბარდა, მაგრამ ისიც მესმის, რომ ეს მისი გადაწყვეტილება იყო, რომელსაც ვერაფერი ვერ შეაცვლევინებდა”, – განაცხადა გიული ალასანიამ.
რაც შეეხება გრიგოლიას კითხვას, – კმაყოფილია თუ არა მიხეილ სააკაშვილი და თავადაც ოპოზიციის საქმიანობით, ალასანია აცხადებს, რომ – იმდენად ცოტა ხანი გვაქვს სასაუბროდ, რომ ამ თემაზე არ გვისაუბრია.”
“მე რასაც ვუყურებ, ოპოზიცია ყველაფერს აკეთებს, რაც შეუძლია. არის გამოსვლები, პროტესტი, მოთხოვნები. რა ქნას ამ შემთხვევაში ოპოზიციამ?! ხომ დავინახეთ ბათუმშიც რა ხდება? – ქვეყანა არის სამოქალაქო ომის წინაშე,” – განაცხადა გიული ალასანიამ.