“ეგრე არ არის, ახლა გამოვიდეს სააკაშვილი და თქვას ხალხო შემინდეთ, ასე არ ხდება,” – ეს განცხადება “სტრატეგია აღმაშენებლის ლიდერმა, გიორგი ვაშაძემ “ჯორჯიან თაიმსის” პირდაპირ ეთერში განაცხადა.
ამასთან, როგორც ვაშაძემ გადაცემა “დროულ კითხვებში” განაცხადა, ქვეყანაში შექმნილი მძიმე სიტუაცია პოლიტიკური სპექტრის და დაპირისპირებების ბრალია.
“ასე არ ხდება ხალხო, გამოვიდეს სააკაშვილი და თქვას, ხალხო შემინდეთ. უბრალოდ პროცესი უნდა დავიწყოთ. ამიტომ ვფიქრობ, რომ თუ წელს არა, მომავალი წლის გაზაფხულისთვის რაღაცნაირად ეს უნდა გაიხსნას. უბრალოდ ჩვენს მოქალაქეებს რაღაცნაირად უნდა ვუთხრათ, რომ მეგობრებო დავფიქრდეთ, დავფიქრდეთ! – რას ვაღწევთ, დაინგრა ოჯახები, გაიქცა ქვეყნიდან ამდენი ადამიანი, სამუშაო ადგილები არ არის. გამათხოვრებულია მთლიანად საზოგადოება და ეს რა თქმა უნდა, ამ პოლიტიკური სპექტრისა და დაპირისპირების ფონის ბრალია,” – განაცხადა გიორგი ვაშაძემ.