საპარლამენტო უმრავლესობის წევრის ალუდა ღუდუშაურის განცხადებით, ექსპრეზიდენტ მიხეილ სააკაშვილის სასამართლო პროცესთან დაკავშირებით სპეკულაციები უადგილოა.
მისივე თქმით, საქართველოში მსჯავრდებულების უფლებები დაცულია.
„სააკაშვილის, ისევე როგორც სხვა მსჯავრდებულების უფლებები, საქართველოში არის დაცული, ამიტომ სააკაშვილის პროცესთან დაკავშირებით სპეკულაციები ვფიქრობ, უადგილოა. ვერ მოვისმინე ვერც ერთი საფუძვლიანი არგუმენტი იმისა, თუ რატომ არის ასეთი ხელოვნური აჟიოტაჟი. მსჯავრდებულ სააკაშვილს მანამდეც ჰქონდა პროცესში მონაწილეობის შესაძლებლობა, რაზეც მან უარი თქვა. ეს ონლაინ მონაწილეობაა, რომელსაც იყენებს ათასობით მსჯავრდებული პირი. ეს არ არის ჩვენს მიერ დადგენილი წესი, ესაა საერთაშორისო სტანდარტი კოვიდპანდემიიდან გამომდინარე. თუ რაიმე სათქმელი აქვს სასამართლოსთვის, შეეძლო, გამოეყენებინა”,- განაცხადა ღუდუშაურმა.