სანდო წყაროს მიერ მოწოდებული ინფორმაციის თანახმად, ხვალ, 14 ნოემბერს, თანამდებობას დაემშვიდობება სამი მინისტრი: კულტურისა და ძეგლთა დაცვის შეფი – მიხეილ გიორგაძე, ინფრასტრუქტურის მამა – ნოდარ ჯავახიშვილი და ქვეყნის მთავარი ხაზინადარი – ნოდარ ხადური. ამ სამეულიდან რომელი სად გააგრძელებს მუშაობას, ჯერ უცნობია. თუმცა კულუარებში ვრცელდება ინფორმაცია, რომ შესაძლოა, ნოდარ ჯავახიშვილი დაინიშნოს აუდიტის სამსახურის უფროსის მეორე მოადგილედ. შეგახსენებთ, ლაშა თორდიას პირველ მოადგილედ ერთი კვირის წინ უკვე დაინიშნა ნინო ლომჯარია. ჯერჯერობით ამ ინფორმაციას ოფიციალურ დონეზე არ ადასტურებენ, მაგრამ ვიმეორებთ, რაღაც დონეზე ასეთი სურვილი არის. დანარჩენი მინისტრები ამ ეტაპზე შეინარჩუნებენ პორტფელებსაც და სავარძლებსაც.
წყარო: ექსპრესინფო
კომენტარები