სპორტისა და ადამიანის უფლებათა დაცვის კომიტეტების თავმჯდომარეების ვინაობა დღეს გახდება ცნობილი. ამის შესახებ ინფორმაციას ,,პირველი რადიო” ავრცელებს.
,,პირველი რადიოს” ცნობით, დღესვე გაირკვევა დაიკავებს თუ არა ამ თანამდებობას მანანა კობახიძე. როგორც “ქართული ოცნების” ერთ-ერთ ლიდერი არჩილ თალაკვაძე ამბობს, ორი საპარლამენტო კომიტეტის თავმჯდომარეებთან დაკავშირებით “ქართულ ოცნებაში” კონსულტაციები დასრულებულია და ასევე დასახელდება სპორტის კომიტეტის თავმჯდომარის ვინაობაც. სავარაუდო კანდიდატებს შორის კი იყვნენ მიხეილ ყაველაშვილი და ლერი ხაბელოვი.
„კონსულტაციები დარჩენილ ორ კომიტეტთან დაკავშირებით პრაქტიკულად დასრულდა და დღის განმავლობაში ამასთან დაკავშირებით ჩვენ გავავრცელებთ ოფიციალურ განცხადებას და გავასაჯაროებთ თუ ვინ გაუძღვება სპორტისა და ახალგაზრდობის და ასევე ადამიანის უფლებათა დაცვის კომიტეტებს მეცხრე მოწვევის პარლამენტში,“ – განაცხადა არჩილ თალაკვაძემ.