“ტექ.უნის ამჟამინდელი რექტორის დავით გურგენიძის, კანცლერის კარლო კოპალიანის მონდომებით და თბილისის მერის კახა კალაძის თანხმობით, ეს კომპლექსი სტუდენტებს დაუბრუნდებათ!” დიახ, გვიბრუნებენ”, – ასე ეხმიანება ფეისბუქმომხმარებელი ლაშა გეგეჭკორი საცურაო აუზის ,,ტონუსის” ტექნიკური უნივერსიტეტის სტუდენტებისთვის დაბრუნების პროცესს.
როგორც გეგეჭკორი სოციალურ ქსელში წერს, თბილისის მერის კახა კალაძის თანხმობით საცურაო აუზი სტუდენტებს დაუბრუნდებათ.
,,ეს თბილისია, ბალანჩივაძის ქ. N2, საცურაო აუზი “ტონუსი.” უფრო ზუსტად კი საქართველოს ტექნიკური უნივერსიტეტის პირველი კორპუსის შიდა ეზო.
აუზი, მაშინდელმა “გპი-მ” 1974 წელს სტუდენტებისთვის ააშენა და აქ ფიზკულტურის საგანში ცურვის ჩათვლებზე გავდიოდით. 2006 წელს, ეს აუზი თბილისის მაშინდელმა მერმა გიგი უგულავამ სტუდენტებს “აახია.” აქ ცურავდნენ, მასაჟებს იტარებდნენ და ისვენებდნენ სააკაშვილის, უგულავას და ნაცელიტის სხვა ლიდერების მეუღლეები დაქალებთან ერთად.
ტექ.უნის ამჟამინდელი რექტორის დავით გურგენიძის, კანცლერის კარლო კოპალიანის მონდომებით და თბილისის მერის კახა კალაძის თანხმობით, ეს კომპლექსი სტუდენტებს დაუბრუნდებათ!
“დიახ, გვიბრუნებენ” – მითხრა დღეს საუბარში დათო გურგენიძემ. დიდი ხანია ვიცნობ, ჩემი კლასელია და ხმაზე მივხვდი, უზომოდ გახარებული იყო.
ერთიც, “სოციალურად „გეპეის“ სტატუსი იყო, რომ, თუ ვერსად მოეწყობოდი, მერე აუცილებლად შეგტენიდნენ გეპეი-ში. ლამის, ეს სასჯელის ტოლფასი იყო. ჩვენ გვჭირდება ნამდვილი პროფესიონალები, ტექნოლოგები, ინფორმატიკოსები, ინჟინრები,”
–ეს განცხადება პრეზიდენტმა სააკაშვილმა 2012 წლის მარტში სტუდენტებთან შეხვედრისას ტექნიკური უნივერსიტეტისათვის ქონების წართმევამდე ცოტა ხნით ადრე გააკეთა. და წაართვა:
სასწავლებლის მე-5 და პოლიკლინიკის კორპუსები და იქვე მდებარე სტადიონი. წაართვა სტუდენტებს და გადასცა “საქართველოს უნივერსიტეტს,”
რომლის დამფუძნებელია ყოფილი მე-3 პრეზიდენტის დედა გიული ალასანია და მისი დაქალი მანანა სანაძე.
“ამ ქონების დაბრუნების პროცესი დაწყებული გვაქვს”-ესეც დღეს მითხრა რექტორმა. წარმატებებს გისურვებთ,ბატონებო! გმადლობთ.” წერს გეგეჭკორი.
