საქართველოს ყოფილი პრეზიდენტის მიხეილ სააკაშვილის თქმით, „ნაციონალური მოძრაობის“ ლიდერებს წინასაარჩევნო პერიოდში დაეხმარა.
„ნაციონალური მოძრაობის“ ლიდერები, როდესაც ჩამოვიდნენ ჩემთან, მეუბნებოდნენ, რომ ჩვენ ვაგებთ პასუხს არჩევნების შედეგებზე. ჩვენ ვართ ლიდერები და ჩვენ ვაგებთ პასუხს. ეს იყო მთელი საუბარი. მე რაც შემეძლო ყველაფერში დავეხმარე. ჩვენ გავებთ პასუხს ამბობდნენ, როცა ადამიანი ამბობს, რომ მე ვაგებ პასუხს უნდა აგოს. პასუხის გება ის კი არ არის, რომ ახლა ამის ბრალია, იმისი და იმის. მე ვაგებ პასუხს, რამდენჯერმე თქვა რამდენიმე მათგანმა აჰა, აგეთ პასუხი, რა ვქნა ახლა?“, – განაცხადა მიხეილ სააკაშვილმა.
მისივე თქმით, “ნაციონალურ მოძრაობაში” ლაპარაკია, რომ 8 წლიანი ციკლია, 10 წლიანი ციკლია.
“უკაცრავად და 4 წლის და 6 წლის შემდეგ რას იზამს? რა იტყვის, რომ ციკლი მქონია, ციკლმა მომიწია და წავალ? ვის ვატყუებთ? თავს ვიტყუებთ? მე არ ვარ მზად, რომ თავი მოვიტყუო. “ლაპარაკი 8-10 წლიანი ციკლზე, ნიშნავს იმას, რომ ჩვენ წინასწარ ვამბობთ, მომავალშიც გავფარჩაკდებით“, – განაცხადა მიხეილ სააკაშვილმა.
როგორც მიხეილ სააკაშვილი აცხადებს, არ აწერს ხელს არჩევნებში დამარცხებას.
„მე არ ვაწერ ხელს დამარცხებას. მე არ ვაწერ ხელს წინასწარ იმას, რომ მაინც უნდა შევეგუო ჩვენ ბედს, რაც არ უნდა იყოს. მაინც დაგვამარცხებს ფულით. შევარდნაძის დროსაც ასე ამბობდნენ, რომ შევარდნაძე მუდმივად იქნება. რას ლაპარაკობთ თქვენ, მაგას იმდენი ჭკუა აქვს ყველას ჯიბეში ჩაისვამს. მერე? ხალხი არ იყო მზად გამოსასვლელად. ვარდების რევოლუციის დროს ასე ადვილად გამოვიდა ხალხი? ეს პროცესია“, – აღნიშნა სააკაშვილმა.
როგორც მიხეილ სააკაშვილი აცხადებს, “ნაციონალური მოძრაობის” წევრები ამობდნენ, რომ საქართველოში მუხტი არ არის.
“მე არავის არ მოვუწოდებ არეულობებისკენ და არც შეტაკებისკენ, ღმერთმა დაგვიფაროს. რთულ სიტუაციაშია საქართველო. ადამიანები არიან მზად, დაიცვან თავისი უფლება, თავის ქვეყანა, თავისი არჩევანი. ხალხის მობილიზებას, რომ ხალხმა დაიცვას თავის ხმა მშვიდობიანად, ახდენენ პოლიტიკური ლიდერები, რომლებიც არიან ადგილზე. ეს შეუძლებელია დაიგეგმოს უკრაინიდან, ლოს-ანჟელესიდან, ციხიდან, ეს უნდა მოხდეს ადგილზე. მუხტი თავისთავად არ ჩნდება”, – განაცხადა სააკაშვილმა.