“ერთიანი ნაციონალური” მოძრაობის წევრი აკო მინაშვილი პარტიის ყრილობამდე რამდენიმე დღით ადრე უკრაინაში მიხეილ სააკაშვილს შეხვდა. აღნიშნულ შეხვედრაზე ყოფილი პრეზიდენტი მინაშვილს “ნაციონალურ მოძრაობაში” განვითარებული მოვლენების შესახებ ესაუბრა და პარტიაში საკუთარი გავლენის შენარჩუნებისთვის კონკრეტული დავალებები მისცა.
მიხეილ სააკაშვილი იმედგაცრუებულია ღალატით და საპარლამენტო არჩევნებზე პარტიის მიერ მიღწეული შედეგით.
აკო მინაშვილთან საუბრისას სააკაშვილმა აღნიშნა, რომ პარტიის მიერ აღებულმა დაბალმა პროცენტმა ცუდად იმოქმედა მის პრესტიჟზე, რამაც რეიტინგზეც იქონია გავლენა და ის საგრძნობლად დაეცა.
სააკაშვილის თქმით “ნაციონალურ მოძრაობას” უკეთესი შედეგი რომ დაედო, იგი გაიმყარებდა პოზიციებს უკრაინის პოლიტიკაში და შესაძლებლობა ექნებოდა ყველაფერი გაეკეთებინა უკრაინის პრეზიდენტ პოროშენკოსთვის, მაგრამ რალობიდან გამომდინარე მისი გადადგომა ოდესის გუბერნატორის პოსტიდან ერთადერთი სწორი გამოსავალი იყო უკრაინაში შექმნილი სიტუაციისა, მისი განადგურებული რეიტინგისა და რეპუტაციის გამო, მისი თქმით იგი უკრაინაში კუთხეში მიიმწყვდიეს და არაფრის გაკეთების საშუალება არ მისცეს.
ექსპრეზიდენტის თქმით უკრაინაში პოლიტიკურ ბრძოლაში მასთან ერთად მხოლოდ დავით საყვარელიძე იქნება, ხოლო “ნაც.მოძრაობის” სხვა ლიდერებს აღარ გაიკარებს, რადგან იგი აღარ ენდობა ქართველ თანაგუნდელებს და იმდენად გასვრილები არიან რომ მათი შეერთება სააკაშვილთან მის რეიტინგს გაანადგურებს.
მიხეილ სააკაშვილიმა და აკო მინაშვილმა საუბრისას “ერთიანი ნაციონალური მოძრაობის” დაგეგმილი ყრილობის დეტალები განიხილეს და კონკრეტული მოქმედების გეგმაც დასახეს.
სააკაშვილის გეგმის მიხედვით, ყრილობა ფაქტობრივად უნდა ჩაიშალოს, მისი ერთგული მხარდამჭერები არ უნდა მივიდნენ „ნაციონალური მოძრაობის ყრილობაზე, რაც მცირერიცხოვანი დელეგატებით შემდგარი ყრილობის მიერ მიღებული ნებისმიერ გადაწყვეტილების არალეგიტიმურად გამოცხადების საფუძველს შექმნის.
აკო მინაშვილმა მიხეილ სააკაშვილს გეგმის განხორციელებაში სრული მხარდაჭერა აღუთქვა და შეპირდა, რომ მის მომხრეებთან ერთად იგი ყველაფერს გააკეთებს.
წყარო:მარშალპრესი