საქართველოს მესამე პრეზიდენტი მიხეილ სააკაშვილი გორის სამხედრო ჰოსპიტალში უკრაინის რადას დეპუტატმა ლიზა იასკომ მოინახულა.
მისი თქმით, მიხეილ სააკაშვილის მდგომარეობა გაუარესებულია და მას რეაბილიტაცია სჭირდება.
“მისი მდგომარეობა გაუარესებულია. აქვს სისუსტე, მალე იღლება და სჭირდება ძლიერი რეაბილიტაცია. ყოველ ჯერზე, როცა საქართველოში ჩამოვდივარ, ძალიან ბევრ სიძულვილს და ბევრ პრობლემას ვხედავ და ვფიქრობ, რომ საჭიროა როგორღაც გამოიძებნოს გადაწყვეტილება, რომ ყველამ ერთად იცხოვროს ერთ ქვეყანაში.
აუცილებელია დიალოგი და რეალური გადაწყვეტილებები, რომლითაც შესაძლებელი იქნება გამოსავლის პოვნა, რათა ქვეყანა კრიზისში არ იყოს,”- განაცხადა ლიზა იასკომ.
კომენტარები