“სააკაშვილის აზრით, ადამიანი, ვინც არ არის “ნაციონალური მოძრაობის“ წევრი, რუსეთის აგენტია”

ზურაბ ჯაფარიძემ დღეს გამართულ პრესკონფერენციაზე განაცხადა, რომ „ნაციონალურ მოძრაობაში“ არის რთული პროცესები და დაპირისპირებები.

„საქართველოს ყოფილი პრეზიდენტი მიხეილ სააკაშვილი ცდილობს შეინარჩუნოს პარტია “ნაციონალური მოძრაობა”. ზოგადად მიხეილ სააკაშვილის საჯარო განცხადებები იყო ასეთი, რომ ადამიანი, რომელიც ქართულ პოლიტიკაშია და არ არის „ნაციონალურ მოძრაობაში“ არის რუსეთის აგენტი და ნებისმიერი ადამიანი, რომელიც წავა „ნაციონალური მოძრაობიდან“ არის ვიღაცის მიერ ნაყიდი. ამ შემთხვევაში რუსებისგან, ან ივანიშვილისგან ნაყიდი. ეს მესიჯები სინამდვილეში ჩვენთვის არ არის გათვლილი, ეს გათვლილია „ნაციონალური მოძრაობის“, სააკაშვილის მომხრეებისთვის, რათა ისინი დაარწმუნონ, რომ “ნაციონალური მოძრაობა” არის ისეთი კარგი პარტია, საიდანაც შეუძლებელია წესიერი ადამიანი წავიდეს“, – განაცხადა ზურაბ ჯაფარიძემ.