ქუთაისთან, მდინარე წყალწითელაში მანქანა გადავარდა, შედეგად ორი ადამიანი გარდაიცვალა.
“მესრსედესის” მარკის მანქანა,სავარაუდოდ, მაღალი სიჩქარით მოძრაობდა, რომელიც ხიდის მოაჯირს შეეჯახა და წყალში, ათეულობით მეტრი სიმაღლიდან გადავარდა.
ავტომობილში 5 ადამიანი იმყოფებოდა. მათგან უბედური შემთხვევის დროს ორი დაიღუპა, დანარჩენი სამი კი სასწრაფო სამედიცინო დახმარების ბრიგადას კლინიკაში გადაჰყავს.
ავტომობილი მდინარიდან საგანგებო სიტუაციების მართვის სამსახურის თანამშრომლებმა ამოიყვანეს. მდინარიდან ამოსვენებულია 2 დაღუპულის ცხედარიც.
ტრაგედიის ადგილზე მისული არიან დაღუპულთა ოჯახის წევრები და ახლობლები.
კომენტარები