პრეზიდენტის გულწრფელობის მჯერა… პოლიტიკური მართლმსაჯულება ამ პროცესის ქვაკუთხედია, – ამის შესახებ ფრაქცია “ლელო – პარტნიორობა საქართველოს” წევრმა სალომე სამადაშვილმა “მთავარი არხის” ეთერში პრეზიდენტთან შეხვედრის შესახებ განაცხადა.
“ვფიქრობ, სალომე ზურაბიშვილს კარგად ესმის, რომ გადამწყვეტი მომენტია ჩვენ ისტორიაში. როდესაც თანამედროვე ისტორია დაიწერება, 2022 წელს ისტორია არ შეაფასებს რიგით წელიწადად. შეიძლება ბევრი რაღაც გადაწყდეს უახლოეს მომავალში და ამან განსაზღვროს დიდი ხნის განმავლობაში ჩვენი განვითარების გზა და როგორ დაიწერება ჩვენი ისტორია.
მე მჯერა მისი გულწრფელობის. მას სურს, რომ მართლაც შეიქმნას რაღაც პროცესი, რაც შედეგს დადებს. ის, რომ ეს პროცესი რთული იქნება, ვფიქრობ, რომ მასაც კარგად ესმის. ის, რომ პოლიტიკური მართლმსაჯულება ამ პროცესის ქვაკუთხედია, ეს ნათელია,” – თქვა სალომე სამადაშვილმა.