“ხომ არ იქნება კარგი, რომ ბატონმა იოანემ ვიდრე საეროს გადმოხედავს, სასულიერო ამბებს მიხედოს” – აღნიშნული განცხადება “კანონი და სამართალის” ლიდერმა, თაკო ჩარკვიანმა “ჯორჯიან თაიმსის” ეთერში საუბრისას გააკეთა.
როგორც მან გადაცემაში “დროული კითხვები” სტუმრობისას განაცხადა, საქართველო დაღუპვის პირას მაშინ დგება, როდესაც მოსამართლის მანტიას მოძღვარი იღებს.
“ხომ არ იქნება კარგი, რომ ბატონმა იოანემ სასულიერო ამბებს მიხედოს, ვიდრე საეროს გადმოხედავს, რომელსაც უთუოდ ჰქონდა შეცდომები. შეცდომებია აბა, რა, რომ ვერ მოასწრო სამართლებრივი რეფორმების გაკეთება, მაგრამ მაინც ის პრეზიდენტია, რომელსაც უზარმაზარი წვლილი აქვს თანამედროვე სახელმწიფოს შენებაში. აი, იმ ბავშვთა პანსიონატებში თაობები, რომ გვიმახინჯდება, ენაზე წკეპლას, რომ ურტყამენ, იქ როგორ ხდება მონანიების ამბავი და რუის უბნის კრებას ხომ არ აპირებენ?!
საქართველო დაღუპვის პირას მაშინ დგება, როდესაც მოსამართლის მანტიას მოძღვარი აიღებს. როდესაც მოძღვარი გარჩევას დაიწყებს, რომ 180 მოშიმშილე სწორ პოლიტიკურ პოზიციაზე დგას თუ არა, აი მაშინ იღუპება ქვეყანა. საბედნიეროდ, ჩვენ ცოტა სხვა მოძღვრებზე ვართ აღზრდილები და ამბროსი ხელაიას სიტყვებიც გვახსოვს ყველას, თაობებიც იზრდებიან. ასე, რომ ცოტა ფრთხილად… გვადროვონ. უფალი ჩემთვის უფალია და არა ბატონი იოანე, რომელსაც გადაუწყვეტია, რომ მოსამართლის მანტია მოირგოს. სულ არ ვფიქრობ, რომ ვიღაცას განვსჯი! მომიტევეთ, მაგრამ ასი ათასი ლარი, რომ ღირს მანქანის ნომერი. 007 უკან, რომ აქვთ მირტყმული, აბა ვინმემ გამიბედოს და მითხრას, რომ მე მეუფეებს განვსჯი. ვინ გითხრათ ბატონებო, რომ ასეთი ხალხი მეუფეები არიან. საეროშიც კი უვარგისები არიან ასეთები, არა თუ სასულიეროში,” – განაცხადა თაკო ჩარკვიანმა.