ზუგდიდის სახელმწიფო სასწავლო უნივერსიტეტის სტუდენტებმა აღმოსავლეთ ევროპის უნივერსიტეტის გამოწვევა მიიღეს და კამპანიას #ავიცრათერთმანეთისთვის შეუერთდნენ.
სტუდენტებმა აქციის ფარგლებში ვაქცინაციის პროცესის გააქტიურების მიზნით, ბრენდირებული ხალათებითა და პირბადეებით, საინფორმაციო ბროშურები დაარიგეს, ფოტო და ვიდეომიმართვები, ასევე შთაბეჭდილების ბანერზე დატოვებული სამოტივაციო გზავნილები, ინტერნეტსივრცეში კამპანიის სლოგანით – #ავიცრათმანეთისთვის გაავრცელეს.
თავის მხრივ, ზუგდიდის უნივერსიტეტის სტუდენტებმა კამპანიაში ჩასართავად ივანე ჯავახიშვილის სახელობის თბილისის სახელმწიფო უნივერსიტეტის სტუდენტები გამოიწვიეს.
ვაქცინაციის მხარდაჭერის მიზნით, სტუდენტური კამპანია – #ავიცრათერთმანეთისთვის, სამედიცინო უნივერსიტეტის სტუდენტების ინიციატივით, 26 ნოემბერს, ვაკის პარკში, დაიწყო. ინიციატივის შესახებ ონლაინმიმართვა სამედიცინო უნივერსიტეტის რექტორმა, ზურაბ ვადაჭკორიამ გაავრცელა.
პროექტი კომპანია „ქოლგას“ მხარდაჭერით ხორციელდება.