ის არის დამანგრეველი. ჩვენ ეს ვიხილეთ საქართველოში და ახლა უკვე უკრაინაში, – ამის შესახებ შოთა ხაბარელმა დღეს გამართულ პრესკონფერენციაზე განაცხადა.
ქართული ოცნების“ წევრმა კომენტარი გააკეთა უკრაინაში მიხეილ სააკაშვილთან დაკავშირებით განვითარებულ მოვლენებზე.
„ძალიან კარგია, რომ დღეს მიხვდნენ, ეს ადამიანი არ არის მოწოდებული ქვეყნის აღმავლობისთვის. ის არის დამანგრეველი. ჩვენ ეს ვიხილეთ საქართველოში და ახლა უკვე უკრაინაში. მოხდა ის, რაც უნდა მომხდარიყო. მას არანარი პოტენციალი არ გააჩნია იმისა, რომ ქვეყანა მართოს ან დადებითი პროცესები გამოიწვიოს. ის არის მარტო მოწოდებული ნგრევისკენ, არეულ-დარეულობისკენ. ჩვენ ამის მომსწრენი გავხდით“, – აღნიშნა ხაბარელმა.
მისივე თქმით, სრულიად მართებული გადაწყვეტილება მიიღო უკრაინის ხელისუფლებამ, როცა სააკაშვილი ოდესის გუბერნატორის თანამდებობას ჩამოაცილა და სააკაშვილის მიერ უკრაინაში თანამდებობებზე ჩაყვანილი ადამიანებიც ზუსტად ისევე, ზედიზედ მიყვნენ მას.
„დარწმუნებული ვიყავით, ესეც იქნებოდა. უბრალოდ, ცოტა დიდი დრო დასჭირდა ამას, რომ კარგად შეესწავლათ, გაეგოთ, რას წარმოადგენდა მიხეილ სააკაშვილი და ეს მოხდა. ახლა ის გაკოტრებული ადამიანია. მას არანაირი რესურსი აღარ გააჩნია, აღარც საქართველოში და აღარც უკრაინაში. ის მოძრაობებები, რომელიც მან წამოიწყო, ესეც არის პირდაპირ მიმართული იქეთკენ, რომ სულ მალე კრახს განიცდის. ის ადამიანები, რომლებიც ფიქრობენ, რომ მიხეილ სააკაშვილს რაღაც შეუძლია, დარწმუნდებიან იმაში, რომ მას არანაირი რესურსი არ დარჩა“, – აღნიშნა ხაბარელმა.