ჯანდაცვის მინისტრმა, ეკატერინე ტიკარაძემ, უწყების ანგარიშის წარდგენის ღონისძიებაზე აღნიშნა, რომ, ბოლო წლების განმავლობაში, ქვეყანაში სასწრაფო გადაუდებელი დახმარების სისტემა გაძლიერდა.
„2020 წლიდან, ჯანდაცვის სამინისტროს დაქვემდებარებაში, ერთიან მართვაში გადავიდა თბილისისა და რეგიონების სასწრაფო დახმარების სამსახურები. 2019-2021 წლებში გადაუდებელი დახმარების ცენტრის ავტოპარკი 218 ავტომანქანით განახლდა. ქვეყნის მასშტაბით, სასწრაფო და რეფერალური დახმარების 333 ეკიპაჟი მუშაობს. ცენტრმა მიიღო 35 სამედიცინო მოტოციკლი. 2020-2021 წლებში სასწრაფო დახმარების მანქანები აღიჭურვა განახლებული, მაღალტექნოლოგიური სამედიცინო მოწყობილობებით. აშენდა 57 რაიონული ცენტრის შენობა. მიმდინარეობს 5 ადმინისტრაციული ცენტრის მშენებლობა. დაგეგმილია თბილისის რაიონული სამსახურების მშენებლობა რეაბილიტაცია, მსგავსად რეგიონალური სამსახურებისა“, – აღნიშნა ეკატერინე ტიკარაძემ.