თბილისის მუნიციპალიტეტი სესხის საშუალებით ტრანსპორტის შესყიდვას, სატრანსპორტო ინფრასტრუქტურის განვითარებას, ნარჩენების მიმართულების ინფრასტრუქტურის რეაბილიტაციას და დიღმის ჭალებში პარკის მოწყობას გეგმავს, – ამის შესახებ თბილისის ვიცე-მერმა, ირაკლი ხმალაძემ საკრებულოში მუნიციპალიტეტის 2022 წლის ბიუჯეტის წარდგენისას განაცხადა.
„სესხების ნაწილს რაც შეეხება, 100 მილიონი ლარი მოხმარდება მეტროს ვაგონების შესყიდვას, 60 მილიონი ლარი – ახალი ავტობაზების მშენებლობას, 20 მილიონი ლარი – პირველი და მეორე ავტობაზის რეაბილიტაციას, 20 მილიონი ლარი გამოყოფილია ჭკვიანი შუქნიშნების პროექტისთვის, 30 მილიონი – ნარჩენების მიმართულებით ინფრასტრუქტურის რეაბილიტაციისთვის, რვა მილიონი ლარი – დიღმის ჭალების პარკის მოწყობისთვის“, – აღნიშნა ირაკლი ხმალაძემ.
კომენტარები