პოლიტიკაში ალბათ არასდროს შევალ. გამიგია მსგავსი რამ, რომ შემდეგი მიშა ვარ, მაგრამ ასეთი რაღაც არ მოხდება,” – ამის შესახებ საქართველოს მესამე პრეზიდენტის, მიხეილ სააკაშვილის მეორე ვაჟი ნიკოლოზ სააკაშვილი “დროებასთან” ექსლუზიურ ინტერვიუში ამბობს.
ექსპრეზიდენტის ვაჟი ამავე ინტერვიუში სწავლისა და მის ინტერესებზე საუბრობს. ამბობს, რომ რამდენიმე ენა კარგად იცის, თუმცა სწავლას კვლავ აგრძელებს. ფიქრობს, რომ ჯერ კიდევ ბევრი აქვს სასწავლი.
ამასთან, ის მიხეილ სააკაშვილის საქართველოში ჩამოსვლის პერიოდს იხსენებს და ამბობს, რომ მაშინ, ძირითადად სოციალურ ქსელზე იყო გადართული, რათა მამის ირგვლივ განვითარებული მოვლენებისთვის თვალყური ედევნებინა. როგორც ინტერვიუში აღნიშნავს, ამ პერიოდში სწავლას ცოტა ჩამორჩა.
რაც შეეხება დედი დამოკიდებულებას მის მიმართ ნიკოლოზ სააკაშვილი ამბობს, რომ ყოფილი ლედი მის მიმართ მკაცრი არასდროს ყოფილა.
“საერთოდ მკაცრი არ არის, თავისუფლება ყოველთვის მქონდა. მახარებს ეს, რომ მან მე თავისუფლება მომცა, რადგან ამით მომცა საშუალება, რომ შეცდომები დამეშვა და ასე უფრო მეტი მესწავლა,” – ამბობს ინტერვიუში ნიკოლოზ სააკაშვილი.