ჟინვალში მომხდარი ავტოკატასტროფის შედეგად დაღუპულთა რიცხვი გაიზარდა – ამ დროისთვის არსებული ინფორმაციის თანახმად, ახალგაზრდა კაცი კლინიკაში მიყვანის შემდეგ გარდაიცვალა.
მცხეთა-სტეფანწმინდა-ლარსის საავტომობილო მონაკვეთზე, ჟინვალთან გზიდან, მიკროავტობუსი რამდენიმე საათის წინ გადავარდა. ადგილზე დაიღუპა 12 წლის ბიჭი და მისი დედა.
უცხოელი ტურისტებით სავსე ავტობუსის მძღოლმა, რომელსაც მგზავრები გუდაურის მიმართულებით გადაჰყავდა, სავარაუდოდ საჭე ვერ დაიმორჩილა და წყალსაცავში გადავარდა. ვრცელდება ინფორმაცია, რომ მანამდე “მინი ვენის” მიკროავტობუსს მსუბუქი ავტომობილი დაეჯახა.
შინაგან საქმეთა სამინისტროში აცხადებენ, რომ გამოძიება სისხლის სამართლის კოდექსის 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის სიცოცხლის მოსპობა გამოიწვია.