საგანგებო სიტუაციების მართვის სამსახურის ზედამხედველობის დეპარტამენტს სპეციალური აღჭურვილობა გადაეცა, – ამის შესახებ ინფორმაციას საგანგებო სიტუაციების მართვის სამსახური ავრცელებს.
მათივე ინფორმაციით, ხანძრებისა და სხვა საგანგებო სიტუაციების პრევენცია საგანგებო სიტუაციების მართვის სამსახურისთვის პრიორიტეტული მიმართულებაა.
შენობა-ნაგებობებში სახანძრო უსაფრთხოებაზე მონიტორინგს საგანგებო სიტუაციების მართვის სამსახურის ზედამხედველობის დეპარტამენტი ახორციელებს.
აღნიშნული დეპარტამენტის თანამშრომლებს, სამსახურის სპეციფიკიდან გამომდინარე, ახალი უნიფორმები და სპეციალური აღჭურვილობა, სამხრე კამერები გადაეცათ.
ზედამხედველობის დეპარტამენტში განხორციელებული სიახლეები მნიშვნელოვნად აამაღლებს დეპარტამენტის საქმიანობის ეფექტიანობას და ხელს შეუწყობს ქვეყნის მასშტაბით საგანგებო სიტუაციების რისკის შემცირებას.