ციციშვილის კლინიკაში ამ დროისთვის ასამდე კოვიდინფიცირებული პაციენტი მკურნალობს, მათ შორის ორი მესამედი ბავშვია.
კლინიკის დირექტორის განცხადებით, ინფიცირებულთა რაოდენობის ზრდის ტენდენცია ამ ეტაპზე არ შეინიშნება.
„კლინიკაში ამ ეტაპზე ასზე ნაკლები პაციენტი მკურნალობს. ზოგადი ტენდენცია ზრდისკენ ჯერჯერობით არ შეინიშნება და მომართვიანობა ოდნავ შემცირებულიც კი არის. დაავადების მიმდინარეობაში რამე მძიმე ახალი შემთხვევები არ გვაქვს. რაც შეეხება იმ პაციენტების ასაკს, რომლებიც ჩვენთან ჰოსპიტალიზდნენ, ძირითადად ისეც მცირე ასაკის ბავშვები არიან და ძირითადი მიზეზი არის რისკფაქტორები, რისკჯგუფები, რომლებიც საჭიროებენ უფრო მეტ მეთვალყურეობას. რამდენადაც ვიცი მე ამ ეტაპზე, ძირითადად ისევ „დელტა“ შტამი გვაქვს და აფეთქებას, „ომიკრონის“ შემთხვევების ზრდას ელოდებიან ძირითადად იანვრის ბოლოს, თებერვლის დასაწყისში“, – განაცხადა ციციშვილის სახელობის ბავშვთა კლინიკის დირექტორმა, დავით რეხვიაშვილმა.