Solothum Film Festival-ზე გამარჯვებული გამოავლინეს. ელენე ნავერიანის ფილმს „სველი ქვიშა“ პრესტიჟული ჯილდო The Prixs de Soleure გადაეცა, – ინფორმაციას ეროვნული კინოცენტრი ავრცელებს.
„სველი ქვიშა“ ეროვნული კინოცენტრის მხარდაჭერით შეიქმნა და შვეიცარიისა და საქართველოს კოპროდუქციაა.
ფილმის მსოფლიო პრემიერა, 2021 წლის აგვისტოში, ერთ-ერთ ყველაზე პრესტიჟულ ლოკარნოს საერთაშორისო კინოფესტივალზე შედგა. ამ ფესტივალზე, მსახიობი გია აგუმავა მამაკაცის როლის საუკეთესო შესრულებისთვის დააჯილდოვეს.
სოლოტურნის კინოფესტივალის (SFT) ყველაზე მნიშვნელოვანი ფესტივალია შვეიცარიული კინოპროდუქციისთვის. ფესტივალი 1966 წელს დაარსდა და ყოველ წელს იმართება.
კომენტარები