ხვალ სანზონის რაიონის ნაწილს გაზმომარაგება შეუწყდება

ტექნიკური სამუშაოების ჩატარების მიზნით, ხვალ სანზონის რაიონის ნაწილს გაზმომარაგება შეუწყდება.
“ყაზტრანსგაზ-თბილისის” ცნობით, ტექნიკური სამუშაოების ჩატარების მიზნით, სამშაბათს, 22 ნოემბერს, 10:00 საათიდან გაზმომარაგება შეუწყდება სანზონის რაიონში, გურამიშვილის გამზირის №78-ე, №78-ც, №78-დ საცხოვრებელი კორპუსების მოსახლეობას.
მათივე ინფორმაციით, გაზის მიწოდება აღდგება 13:00 საათიდან ეტაპობრივად სამუშაოების დასრულებისთანავე.
”შპს “ყაზტრანსგაზ-თბილისი” ბოდიშს უხდის თავის აბონენტებს დისკომფორტისთვის და მოუწოდებს მათ არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში. მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს “ყაზტრანსგაზ-თბილისი” პასუხისმგებელი არ არის”, – აცხადებენ კომპანიაში.