ბულგარეთში საქართველოს ელჩმა თამარ ლილუაშვილმა ბულგარეთის პარლამენტის საგარეო ურთიერთობათა კომიტეტის თავმჯდომარესთან ვენცისლავა ლიუბენოვასთან შეხვედრა გამართა.
საგარეო უწყების ცნობით, შეხვედრის ფარგლებში, განხილულეს ორ ქვეყანას შორის საპარლამენტო დონეზე არსებული აქტიური თანამშრომლობა, ისევე როგორც საქართველოსა და ბულგარეთის პარლამენტებს შორის ვიზიტების ურთიერთგაცვლის შესაძლებლობა.
ელჩმა კომიტეტის თავმჯდომარეს დეტალური ინფორმაცია მიაწოდა საქართველოს ევროპული და ევრო-ატლანტიკური ინტეგრაციის პროცესისა და საქართველოს ოკუპირებულ ტერიტორიებზე არსებული ვითარების თაობაზე.
ვენცისლავა ივანოვამ კიდევ ერთხელ დაადასტურა საქართველოს სუვერენიტეტისა და ტერიტორიული მთლიანობის, ისევე როგორც ევროკავშირში და ნატო-ში საქართველოს გაწევრიანების მიმართ ბულგარეთის მტკიცე მხარდაჭერა.
შეხვედრის ფარგლებში ასევე განხილული იქნა რეგიონში არსებული უსაფრთხოების საკითხები და გლობალური თემები.