უკრაინელებმა ოდესის ოლქის კუნძული ზმეინი, რომლის 13 უკრაინელი სამხედრო გასულ ღამეს, რუსეთის საოკუპაციო ძალებს არ დანებდა და ყველა მათგანი დაიღუპა, დაიბრუნეს. ამის შესახებ ინფორმაციას უკრაინის შინაგან საქმეთა მინისტრის მოადგილე ავრცელებს.
ცნობისთვის, რუსმა ოკუპანტებმა უკრაინელ სამხედროებს ორჯერ გაუმეორეს: “მე რუსული სამხედრო ხომალდი ვარ. გთავაზობთ დაყაროთ იარაღი და დაგვნებდეთ სისხლისღვრისა და გაუმართლებელი მსხვერპლის ასაცილებლად. წინააღმდეგ შემთხვევაში თქვენ დაგბომბავთ!” – რაზეც უკრაინელმა მესაზღვრეებმა სამი სიტყვით უპასუხეს: “რუსულო საომარო ხომალდო, წადი ****”
ზმეინზე დაღუპულებს პრეზიდენტის გადაწყვეტილებით უკრაინის გმირის წოდება მიენიჭებათ.
შეგახსენებთ, რომ რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის კიევის დაბომბვით დაიწყო.