კიევი დაბომბვის ეპიცენტრი გუშინ მთელი ღამის განმავლობაში რამდენჯერმე გახდა. ვითარება გართულებულია ხარკოვში, სადაც სროლის ხმა ამ წუთებშიც ისმის. უკრაინაში მცხოვრები საქართველოს მოქალაქეთა ნაწილი ცდილობს ქვეყნის დატოვებას, თუმცა ამ გზის გავლა არც ისე მარტივია. როგორც ისინი „ქრონიკასთან“ აცხადებენ გუშინდელი ღამე განსაკუთრებით მძიმე იყო უკრაინისთვის.
„გასულ ღამეებთან შედარებით ძალიან მძიმე ღამე იყო. ძალიან დიდი შეტაკებები იყო კიევის მასშტაბით. ვიდექით მედგრად, როგორც მოსახლეობა, ასევე სამხედროები. რამდენჯერმე იყო განგაშის ხმა. ახლაც ისმის სროლების ხმა კიევის მასშტაბით“, – ამბობს საქართველოს მოქალაქე.
„მთელი ღამის განმავლობაში ისმოდა აფეთქებების და სროლის ხმა. გაგვაფრთხილეს, რომ ჩავსულიყავით ბომბდამცავ ადგილებში. დილიდან გამორთულია განგაშის სიგნალი და კომენდატის საათია გამოცხადებული ხვალ დილამდე“, – განაცხადა უკრაინაში მყოფმა საქართველოს მოქალაქემ.