“შევთანხმდით, რომ რუსეთის ოლიგარქებს, ბიზნესმენებს და დაწესებულებებს სანქციები დაედოს”

ბრიუსელში გამართული საგანგებო შეხვედრის შემდეგ, საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა ბრიფინგზე განაცხადა, რომ უკრაინის კიბერდაცვითი შესაძლებლობები უნდა გაძლიერდეს. გარდა ამისა, როგორც ჯოზეფ ბორელი ამბობს, შეთანხმდნენ რუსეთში გარკვეულ პირებსა და დაწესებულებებს სანქციები დაედოს.

“ჩვენ გვინდა გავაძლიეროთ უკრაინის კიბერდაცვითი შესაძლებლობები. შევთანხმდით ასევე, რომ სანქციები დაედოს პირებს თუ დაწესებულებებს და ეს საბოლოო ჯამში შეთანხმდება და გამოქვეყნდება ხვალ. მათ შორის შედის რუსეთის ოლიგარქები, ბიზნესმენები და ჩვენი შეხედულებით, ამას ექნება უმნიშვნელოვანესი ეკონომიკური ზეგავლენა. ეს არის ხალხი, რომელსაც უმნიშვნელოვანესი როლი აკისრია პუტინის სისტემაში და დღევანდელ რუსეთში, ეს არის ის ხალხი, რომელიც ავრცელებს პროპაგანდას, მათ შორის სამხედრო პროპაგანდასაც,” – აცხადებს ჯოზეფ ბორელი.