გიორგი გახარიას დღევანდელ განცხადებას ეხმაურება სოციალურ ქსელში ანალიტიკოსი ლევან ნიკოლეიშვილი. ნიკოლეიშვილი გახარიას წარსულს შეახსენებს და წერს, რომ ქართველი ხალხის განწყობას მის მიმართ, გიორგი გახარია არჩევნებზე ნახავს.
„ეს მზეთუნახავი, ჩრდილში დაბმული ბოჩოლასავით რომ გამობღავილდება ხოლმე, მოროშავს და ისევ სოროში შევა, ერთ რამეს ვერ ხვდება – ამ ქვეყნის სათავეში იდგა, ქვეყანას მართავდა, მერე მელიასთვის გადადგა და ახლა ჭკუას ასწავლის სხვას – ამ ყველაფერს კარგად ხედავს ქართველი ხალხი და არჩევნებიც მოვა… აი იმ არჩევნებზე ნახავ, რომ ნაცების სამსახურში დგომაზე დიდი ღალატი არაფერია,“- წერს ლევან ნიკოლეიშვილი.
ცნობისათვის, პარტია „საქართველოსათვის“ ლიდერმა, საქართველოს ყოფილმა პრემიერ-მინისტრმა გიორგი გახარიამ ხელისუფლებას მოუწოდებს, გამოიყენოს ისტორიული შანსი და ოფიციალური თხოვნით მიმართოს ევროკავშირს, საქართველოს დაჩქარებული წესით მიღებასთან დაკავშირებით.
„საქართველოს ხელისუფლების ყოველი ახალი გამოსვლა შეურაცხყოფს ქართველი ხალხის ღირსებას და ქვეყნის ერთიანობისთვის, თავისუფლებისთვის 2008 წელს გაღებულ მსხვერპლს,“- ნათქვამია გიორგი გახარიას განცხადებაში, რომელიც მან სოციალური ქსელის საშუალებით გაავრცელა.