უკრაინამ მორიგ მძიმე ღამეს გაუძლო. ამ დროისთვის რუსეთის შეიარაღებული ძალები, უკრაინის ყველა დიდ ქალაქს აკონტროლებენ. კიევში კი კვლავ საჰაერო განგაშის ხმა ისმის. ოკუპანტებმა ჭურვები ჩამოყარეს სუმის ოლქში, დაღუპულია 70-მდე უკრაინელი ჯარისკაცი. ასევე, ამ დროისთვის ბლოკირებულია ქალაქი ხერსონი, ნანგრევებში ადამიანები მოყვნენ. ქალაქ ხარკოვში კი, დაბომბვის შედეგად, ერთ-ერთ ავტომობილში, 1 ოჯახი 3 მცირეწლოვან შვილთან ერთად დაიწვა.
უკრაინული მხარე რუსეთს სამხედრო დანაშაულის ჩადენაში ადანაშაულებს:
“აგრესორის ჯარებმა გადააჯგუფეს და დააგროვეს ჯავშანტექნიკა და სარაკეტო და საარტილერიო იარაღი გარკვეულ რაიონებში. კიევისა და უკრაინის ძირითადი ქალაქების, მათ შორის ხარკოვის, ჩერნიგოვის, ოდესის, ხერსონისა და მარიუპოლის გარშემო და დასაპყრობად. სამხედრო ტექნიკის მნიშვნელოვანი ნაწილი მოდის ბელორუსის ტერიტორიიდან, ყირიმის ავტონომიური რესპუბლიკის ოკუპირებული ტერიტორიის გავლით,”– აცხადებს უკრაინის შეიარაღებული ძალების წარმომადგენელი.