დღეს საომარი ქმედებების ეპიცენტრი იყო ხარკოვი, სადაც „ისკანდერის“ ტიპის რაკეტა ჩამოვარდა. რუსეთის მიერ იბომბება ქალაქები, რომლებიც მეორე მსოფლიო ომის შემდეგ არ დაბომბილა, – ამის შესახებ სამხედრო მიმომხილველმა, გიორგი ცხვიტავამ განაცხადა.
„დღეს მთელი დღის იბომბებოდა მნიშვნელოვანი წერტილები, განსაკუთრებით კი ქალაქი ხარკოვი. კიევის ტელეანძაზე მიტანილია იერიში, რომელიც დაანონსდა რამდენიმე საათით ადრე. ქალაქში გათიშულია მაუწყებლობა, მოსახლეობას სთხოვეს, გადაერთნენ რადიომიმღებებზე და რადიოდან მიიღონ საჭირო ინფორმაცია. რაც შეეხება სხვა ქალაქებს, დღეს ეპიცენტრი იყო ხარკოვი, სადაც „ისკანდერის“ ტიპის რაკეტა ჩამოვარდა. დღეს რუსეთის მიერ იბომბება ქალაქები, რომლებიც მეორე მსოფლიო ომის შემდეგ არ დაბომბილა. სხვადასხვა ქალაქში საქართველოს არაერთი მოქალაქეა დარჩენილი და ისინი კავშირზე არიან საქართველოს საელჩოსთან. თავდაპირველად გავრცელებული ინფორმაცია, რომ ომის დაწყებიდან 72 საათის განმავლობაში რუსული ტანკები კიევში იქნებოდნენ, არ დადასტურდა. 72 საათიც გავიდა, 96 საათიც და დღეს უკვე მეექვსე დღეა ომის დაწყებიდან – კიევი დგას და მოქალაქეთა უმრავლესობას მზად არის წინააღმდეგობის გასაწევად“, – აცხადებს ცხვიტავა.