CNN – უკრაინულმა მხარემ უარყო ინფორმაცია, რომ ქალაქი ხერსონი სრულად რუსეთის ხელშია

უკრაინულმა მხარემ უარყო ინფორმაცია იმის შესახებ, რომ სამხრეთით მდებარე ქალაქი ხერსონი სრულად რუსეთის ხელშია, – ამის შესახებ ინფორმაციას, უკრაინის თავდაცვის სამინისტროზე დაყრდნობით, CNN ავრცელებს.

უწყების პრესსპიკერის თქმით, ბრძოლები ხერსონში ახლაც მიმდინარეობს. მათივე ინფორმაციით, ხერსონი სრულად არ არის რუსეთის მიერ დაკავებული.

„ქალაქი სრულად არ არის დატყვევებული, ზოგიერთი ნაწილი ჩვენი კონტროლის ქვეშაა“, – ნათქვამია უკრაინის თავდაცვის სამინისტროს მიერ გავრცელებულ განცხადებაში, რომელსაც CNN ავრცელებს.

შეგახსენებთ, რუსეთის სახელმწიფო მედია იუწყებოდა, რომ რუსულმა ჯარებმა ქალაქი სრულად აიღეს.