საელჩო 24-საათიან რეჟიმში მუშაობს. მაქსიმალურად ვცდილობთ, ჩვენს მოქალაქეებს როგორც კიევში, ასევე სხვა ქალაქებში მხარდაჭერა გავუწიოთ, – ამის შესახებ საქართველოს ელჩმა უკრაინაში, გიორგი ზაქარაშვილმა „ქრონიკასთან“ განაცხადა.
მისი თქმით, კიევთან რთული მდგომარეობაა, რადგან ძალების კონცენტრაცია ახლოსაა.
„მაქსიმალურად ვცდილობთ ჩვენს მოქალაქეებს, როგორც კიევში, ასევე სხვა ქალაქებში მხარდაჭერა გავუწიოთ, თუმცა გაყვანის შესაძლებლობას მოკლებული ვართ. სანამ არ იქნება ჰუმანიტარული პაუზა ან ცეცხლის შეწყვეტის რეჟიმი, ჩემი აზრით თავშესაფარში ყოფნა სჯობს, ვიდრე გადაადგილება“, – განაცხადა გიორგი ზაქარაშვილმა.
კომენტარები