ნაძალადევის რაიონში, ზღვისუბნის III მიკრორაიონის III კვარტალში, N41 კორპუსის წყალარინების მოძველებული ქსელის რეაბილიტაცია დაიწყო. პროექტის ფარგლებში, კორპუსის გარე პერიმეტრზე და სარდაფში მილები 434 გრძივ მეტრზე იცვლება, ასევე, დამონტაჟდება 12 ჭა.
მიმდინარე სამუშაოებს ნაძალადევის რაიონის გამგებელი ირაკლი ანდღულაძე თბილისის საკრებულოს მაჟორიტარ დეპუტატ ირაკლი ხელაძესთან ერთად გაეცნო.
„წყალარინების ქსელის გაუმართაობის გამო მუდმივად პრობლემები ჰქონდა ადგილობრივ მოსახლეობას. მიწისქვეშა კომუნიკაციების შეცვლის შემდეგ, ასფალტის საფარი დაიგება. აღნიშნული პროექტით პრობლემები 126 ოჯახს მოუგვარდება“, – განაცხადა ირაკლი ანდღულაძემ.
პროექტი ნაძალადევის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში მიმდინარეობს, რისთვისაც გამგეობის ბიუჯეტში 78 607 ლარია გათვალისწინებული.