რუსეთის ფედერალური უწყება “რადიო თავისუფლების” რუსულ ბიუროს დაბლოკვით ემუქრება. რედაქციამ გუშინ საღამოს 6 საათზე შეტყობინება მიიღო, რომლის თანახმადაც “როსკომნადზორი” მოითხოვს საიტიდან წაიშალოს ახალი ამბები, სადაც ხარკოვის საცხოვრებელ სახლებზე იერიშების და ჰაკერების მიერ რუსული საიტების პარალიზების შესახებ წერია. ასევე, მასალა, რომელიც ასახავს სოციალური ქსელების მომხმარებელთა რეაქციებს უკრაინაში საომარ მოქმედებებზე.
რუსული უწყების შეფასებით, მასალები ცრუ ინფორმაციას შეიცავს. რუსეთის ხელისუფლება მოითხოვს რომ რუსულმა მედიამ საბრძოლო მოქმედებებს ომი არ უწოდოს და მხოლოდ რუსული ოფიციალური წყაროების მიერ გავრცელებული ინფორმაცია გაავრცელოს.
ეთერიდან უკვე გაითიშა რადიოსადგური “ეხო მასკვი“. დაიბლოკა მისი საიტი. რადიოარხის დირექტორთა საბჭომ ხმათა უმრავლესობით საიტის ლიკვიდაციის გადაწყვეტილება მიიღო.