პრეზიდენტ პუტინის უგუნურმა ქმედებებმა შეიძლება პირდაპირი საფრთხე შეუქმნას მთელი ევროპის უსაფრთხოებას, – დაუნინგ სთრითის ინფორმაციით, ამის შესახებ გაერთიანებული სამეფოს პრემიერ-მინიტრმა, ბორის ჯონონმა უკრაინის პრეზიდენტთან, ვოლოდიმირ ზელენსკისთან სატელეფონო საუბრისას განაცხადა.
„ლიდერები შეთანხმდნენ, რომ რუსეთმა დაუყოვნებლივ უნდა შეწყვიტოს თავდასხმა ატომურ ელექტროსადგურზე და დაუშვას საგანგებო სიტუაციებს სამსახურების შეუზღუდავი წვდომა სადგურზე,“- ნათქვამია დაუნინგ სთრითის მიერ გავრცელებულ ინფორმაციაში.
მათივე ცნობით, ბორის ჯონსონმა განაცხადა, რომ გაერთიანებული სამეფო „ყველაფერს გააკეთებს სიტუაციის გაუარესების თავიან ასაცილებლად.“
განცხადებაში ასევე აღნიშნულია, რომ არსებულ სიტუაციასთან დაკავშირებით ბორის ჯონსონი უახლოეს საათებში გაეროს უშიშროების საბჭოს საგანგებო სხდომის მოწვევას მოითხოვს.