უკრაინის პრეზიდენტი ვოლოდიმირ ზელენსკი ოკუპანტების მიერ ვინიცას აეროპორტის დაბომბვას ეხმაურება.
“რამდენიმე წუთის წინ მომაწოდეს ინფორმაცია, რომ მტერმა ვინიცაზე სარაკეტო დარტყმები მიიტანა. მშვიდობიან და კეთილ ვინიცას, რომელსაც რუსეთისთვის საფრთხე არასოდეს შეუქმნია, 8 რაკეტა ესროლეს. საშინლად დაბომბილი და განადგურებულია აეროპორტი”, – ამბობს ზელენსკი.
ის დასავლეთს უკრაინის ცის ჩაკეტვისკენ კიდევ ერთხელ მოუწოდებს.
“რუსები ჩვენი ინფრასტრუქტურისა და ცხოვრების განადგურების, რომელსაც ჩვენ და ჩვენი წინაპრები აშენებდნენ აგრძელებენ. რამდენიმე დღეა, ვიმეორებთ, რომ რუსული რაკეტებისა და ავიაციისთვის უკრაინის ცა ჩაკეტეთ. შექმენით ჰუმანიტარული დერეფნები. ჩვენ ადამიანები ვართ და ჩვენი დაცვა თქვენი მოვალეობაა. თუ ამას არ გააკეთებთ ან თავის დასაცავად თვითმფრინავებს არ გადმოგვცემთ, მაშინ მიჩნდება აზრი, რომ თქვენც გინდათ, ჩვენ დაგვხოცონ. დღეიდან ეს როგორც დასავლელი ლიდერების, ისევე საერთაშორისო პოლიტიკოსების პასუხისმგებლობაცაა”, – თქვა ვოლოდიმირ ზელენსკიმ.