თბილისის მერი კახა კალაძე დამიკავშირდა და მითხრა, რომ ამ მძიმე დღეებში ჩვენს გვერდით არის. – ამის შესახებ ხარკოვის მერმა იგორ ტერეხოვმა “ფორმულასთან” განაცხადა.
იგორ ტერეხოვი: „ჩვენ ვაფასებთ ქართველი ხალხის მცდელობას, მხარდაჭერას. მე კახა კალაძესაც ვესაუბრე ტელეფონით. მან გამოუცხადა მხარდაჭერა ქალაქ ხარკოვს. ჩვენთვის მნიშვნელოვანია, რომ დღეს მსოფლიოს ყველა ხელისუფლება იყოს კონცენტრირებული იმაზე, რომ შეწყდეს აგრესია, ომი. შემიძლია გითხრათ, რომ უკრაინა, ქალაქი ხარკოვი გაიმარჯვებს. ჩვენ დავიცავთ ტერიტორიულ მთლიანობას“.
გურამ როგავა: თქვენ ახსენეთ, რომ დაგიკავშირდათ კახა კალაძე. სამწუხაროა, რომ ხელისუფლების წარმომადგენლები, მათ შორის კახა კალაძეც მედიასთან საჯაროდ რუსეთის აგრესიას მკაფიოდ არ გმობს. მხოლოდ იმაზეა მინიშნებები, რომ ჰუმანიტარული ტვირთით ვეხმარებით უკრაინას. პუტინის მისამართით ღია განცხადებებს ყველა ერიდება. ახლა თქვენგან გავიგეთ, რომ დაგიკავშირდათ კახა კალაძე, მათ ამის შესახებაც აქვთ შიში, რომ კომუნიკაცია გასაჯაროვდეს. რა გითხრათ მან, შეგიძლიათ გვითხრათ? რამდენად მკაფიო იყო მისი გზავნილები თქვენთან სატელეფონო საუბრისას?
იგორ ტერეხოვი: „ჩვენ ვისაუბრეთ, პირველ რიგში, კახამ გამოხატა თანაგრძნობა, რაც ხდება ქალაქ ხარკოვში, უკრაინაში. მან გვკითხა თუ რა დახმარება გვჭირდებოდა, გვითხრა, რომ ყოველთვის მივმართოთ მას. მკაფიოდ თქვა, რომ ამ მძიმე დღეებში არის ჩვენთან. მინდა გითხრათ, რომ ეს სერიოზულია, მე კარგად ვარ კახა კალაძის მიმართ განწყობილი. მიმაჩნია,
რომ ეს არის სოლიდარობის გამოხატვა“.