„უკრაინაში შეჭრის გამო, ევროპულმა კომისიამ მოამზადა სანქციების ახალი პაკეტი, რომელიც უფრო მეტ რუს ოლიგარქსა და პოლიტიკოსს, ასევე სამ ბელარუსულ ბანკს შეეხება“, – წერს Reuters-ი წყაროზე დაყრდნობით. სააგენტოს მიერ გავრცელებული ინფორმაცია Facebook-ის ოფიციალურ გვერდზე გააზიარა უკრაინის უმაღლესმა რადამაც.
როგორც Reuters-ის წყარო აცხადებს, ახალი პაკეტის თანახმად, საერთაშორისო საბანკო სისტემიდან (SWIFT) ჩაიხსნება სამი ბელარუსული ბანკი. ე.წ შავ სიაში კი, იგეგმება დამატებით რამდენიმე რუსი ოლიგარქისა და კანონმდებლის დამატება.
„პაკეტი ასევე კრძალავს ევროკავშირიდან საზღვაო აღჭურვილობისა და პროგრამული საშუალებების ექსპორტს რუსეთში და ადგენს ახალ მითითებებს კრიპტოვალუტებისმონიტორინგზე, რათა გამოირიცხოს მათი გამოყენება ევროკავშირის სანქციების გვერდის ავლით“, – წერია Reuters-ის სტატიაში.