დაიწყო დიდი მარხვა განცდებით, მწუხარებით. ჩვენ თვალს ვადევნებთ რა ხდება ჩვენს გარშემო, სამეზობლოში. შეძრწუნებული ვართ იმ ბოროტებით, რაც უკრაინაში ხდება. ვუთანაგრძნობთ ამ მეტად მედგარ, მტკიცე ნებისყოფის ხალხს, – ამის შესახებ ბათუმისა და ლაზეთის მიტროპოლიტმა, დიმიტრიმ ქადაგებისას განაცხადა.
„გამოჩნდა ბოროტმოქმედი მმართველი, რომელიც მთელს კაცობრიობას ბირთვული იარაღის ჟღარუნით ემუქრება და თავის თავს ის ქრისტიანად მიიჩნევს. მას ქრისტიანულ ფასეულობებთან არანაირი საერთო არ აქვს. ის, რომ ის მთელი სიამოვნებით მთელს მსოფლიოს უცხადებს და ეუბნება, რომ თვალის დახამხამებას ვერ მოასწრებთ, მე თუ ბირთვული იარაღი გამოვიყენეო – იმას არაფერი აქვს ქრისტიანობასთან. ის ემუქრება ჩვენს ქვეყანასაც, ჩვენს შვილებს, თქვენს შვილებს და კაცობრიობას“, – განაცხადა მეუფე დიმიტრიმ.