უკრაინაში რუსული ძალების წინსვლის ტემპები მნიშვნელოვნად შენელდა, თუმცა მტერი უარს არ ამბობს შეტევითი ოპერაციის ჩატარებასა და კიევის დაპყრობის გეგმებზე. ინფორმაციას ამის შესახებ უკრაინის შეიარაღებული ძალების გენერალური შტაბი ავრცელებს.
„მტერი გადაჯგუფებას ახორციელებს კიევის დაპყრობის მორიგი მცდელობისთვის მომზადების მიზნით“, – ნათქვამია განცხადებაში.
უკრაინის შეიარაღებული ძალების გენერალურ შტაბში ასევე აღნიშნავენ, რომ მტერი განაგრძობს ძირითადი ძალისხმევის კონცენტრირებას, რომელიც მიმართულია სუმის, ხარკოვის, მარიუპოლისა და ნიკოლაევის აღებაზე.
გარდა ამისა, რუსეთის საოკუპაციო ძალები მუდმივი დისლოცირების ადგილებში რეზერვს ქმნიან, რათა შემდგომში უკრაინის ტერიტორიის გარკვეულ რაიონებში გადაისროლონ.
კომენტარები