ევროკავშირი ერთიანია უკრაინის მხარდაჭერის, რუსეთის პრეზიდენტზე ზეწოლის გაძლიერებისა და უკრაინისთვის სამხედრო დახმარების აღმოჩენის საკითხებში, – ამის შესახებ საგარეო და უსაფრთხოების საკითხებში ევროკავშირის უმაღლესმა კომისარმა, ჟოზეფ ბორელმა განაცხადა.
მისი თქმით, რუსი ოლიგარქებისთვის მეტი სანქციის დაკისრებაზე ფიქრობენ, რათა რუსული ეკონომიკა შესუსტდეს.
„წარმოდგენილია წინადადება ჩვენი წვლილის გაორმაგებაზე. საუბარია დამატებით 500 მილიონ ევროზე, რაც უკრაინის შეიარაღებული ძალების დახმარებას უნდა მოხმარდეს. ვფიქრობთ, უფრო მეტ სანქციაზე, რომელიც რუს ოლიგარქებს უნდა დაეკისროთ, რათა რუსული ეკონომიკა შესუსტდეს. დარწმუნებული ვარ, რომ 500 მილიონიანი დახმარების გაცემას ლიდერები დაამტკიცებენ“, – განაცხადა ჟოზეფ ბორელმა.
კომენტარები