ევროპის საბჭოს მინისტრთა კომიტეტმა ორგანიზაციიდან რუსეთის გარიცხვას დაუჭირა მხარი. ინფორმაცია ორგანიზაციის ვებგვერდზე გამოქვეყნდა.
გადაწყვეტილება მინისტრთა კომიტეტის რიგგარეშე სხდომაზე მიიღეს. ევროპის საბჭო ევროპის ერთ-ერთი უძველესი საერთაშორისო ორგანიზაცია, რომელიც ადამიანის უფლებების სფეროში თანამშრომლობას უჭერს მხარს. ამიერიდან მის რიგებში 46 სახელმწიფო შედის. ორგანიზაციის ერთ-ერთ მთავარ მიღწევად ადამიანის უფლებებისა და ძირითადი თავისუფლებების დაცვის ევროპული კონვენციის შემუშავება და მიღება ითვლება.
რუსეთის ევროპის საბჭოს წევრი 1996 წლიდან იყო. ორგანიზაციაში გაწევრიანების გამო ქვეყანაში სიკვდილით დასჯაზე მორატორიუმი გამოცხადდა.
რუსეთის ორგანიზაციიდან გასვლის შემდეგ, რუსეთის მოქალაქეები ადამიანის უფლებათა ევროპულ სასამართლოს ვეღარ მიმართავენ.