ომის დასასრულებლად დიპლომატიური ძალისხმევა უნდა დაჩქარდეს, ჩვენ ვაგრძელებთ მცდელობებს ცეცხლის შეწყვეტის მისაღწევად, – ამის შესახებ თურქეთის პრეზიდენტმა, რეჯეფ თაიფ ერდოღანმა, პოლონეთის პრეზიდენტთან, ანჯეი დუდასთან შეხვედრის შემდეგ განაცხადა.
„დღეს ჩემი საგარეო საქმეთა მინისტრი მოლაპარაკებებს მართავს მოსკოვში. ის ხვალ უკრაინაში გაემგზავრება. ჩვენ ვინარჩუნებთ ინტენსიურ დიპლომატიას. ამ პროცესში ჩვენ ასევე ვაწარმოებთ მოლაპარაკებებს პოლონეთთან. ჩვენ გავაგრძელებთ კონსულტაციებს და თანამშრომლობას.
მოგეხსენებათ, 24 მარტს ბრიუსელში ნატო-ს ლიდერთა საგანგებო სამიტი გაიმართება. ამ სამიტზე ჩვენ შეგვიძლია, ვიპოვოთ შესაძლებლობა, გავაგრძელოთ მოლაპარაკებები იქიდან, სადაც შევჩერდით. იმიტომ, რომ რუსეთსა და უკრაინას შორის პროცესი გრძელდება“, – განაცხადა ერდოღანმა.