“მინდა მადლობა გადავუხადო პოლიციელებს სამსახურისთვის და ვთხოვო, გააგრძელონ ის ღირსეული საქმიანობა, რითაც ამაყი ვარ”

მინდა, მადლობა გადავუხადო ღირსეულ პოლიციელს, მესაზღვრეს და განსაკუთრებულ დავალებათა დეპარტამენტის თანამშრომლებს იმისთვის, რომ ემსახურებიან ქვეყანას, – ამის შესახებ „სტრატეგია აღმაშენებლის“ დეპუტატმა, თეონა აქუბარდიამ განაცხადა.

აქუბარდიას თქმით, ამაყია ღირსეული სამართალდამცველების საქმიანობით.

„პირველ რიგში მინდა, ყველა იმ ღირსეულ პოლიციელს, მესაზღვრესა და განსაკუთრებულ დავალებათა დეპარტამენტის თანამშრომლებს გადავუხადო მადლობა იმისთვის, რომ ქვეყანას ემსახურებიან. არაერთხელ შემხვედრია საოკუპაციო ხაზთან ღირსეული პოლიციელები და ყველას კიდევ ერთხელ მინდა, მადლობა გადავუხადო მისი სამსახურისთვის და ვთხოვო, რომ გააგრძელონ ის ღირსეული საქმიანობა, რითაც მათ შორის მეც, ვარ ამაყი“, – განაცხადა თეონა აქუბარდიამ.