რუსეთის საგარეო საქმეთა მინისტრი უკრაინულ მხარესთან მოლაპარაკების გაჭიანურებაში დასავლეთს ადანაშაულებს. სერგეი ლავროვის თქმით, უკრაინას რუსეთის მოთხოვნებზე დათანხმების საშუალებას აშშ არ აძლევს.
„საბრძოლო მოქმედებების პარალელურად ზელენსკიმ შემოგვთავაზა მოლაპარაკებების დაწყება. ჩვენი პრეზიდენტი დათანხმდა. ახლა ეს პროცესი მიმდინარეობს. რაღაც სახის დიალოგი შედგა, მაგრამ, გვაქვს განცდა, რომ უკრაინის დელეგაციას დიდი ალბათობით, ამერიკელები არ აძლევენ საშუალებას დათანხმდნენ იმ მოთხოვნებზე, რომელსაც მე მინიმალურად მივიჩნევ. ჩვენ ასევე ღია ვართ, ნებისმიერ ქვეყანასთან, მათ შორის დასავლეთთან თანამშრომლობა გავაგრძელოთ, მაგრამ იმ პირობებში, როგორც დასავლეთი მოიქცა, ჩვენ არ ვაპირებთ რაიმე ინიციატივით გამოსვლას. ვნახოთ, თუ როგორ გამოვლენ იმ ჩიხიდან, სადაც თვითონ შევიდნენ“, – განაცხადა ლავროვმა.